Sprüchli 1 - Samichlaus, i wett di frage

Samichlaus, i wett di frage:
Tuet di d Feschtzyt nid z fescht plage?
Muesch wyt düre Wald ga loufe?
Wo tuesch alli Gschänkli choufe?
Hesch no nie es Chind vergässe?
Wettsch nid ds Züüg gärn sälber ässe?
Hesch de Freud, we mer tüe singe?
Tuet der ächt gäng alles glinge?
Bringsch o Gschänk i hinderscht Chrache?
Machsch, wär truurig isch, chly z lache?
Hesch o mängisch es schlächts Gwüsse?
Weisch, i wett alls vo der wüsse!